Detagls davart l'ediziun nr. 29

Extrem (Anita Simeon)

Extrem, lat., "äusserst”, übertrieben; uschia declera il Dude nil pled inizia nt per questas PUNTS. "Quai è extrem!” – in’exclamaziun ch’ins senta qua e là. Ma tge è quest extreme insumma? – Ina chadaina da patratgs:

Extrem è insatge extra, extra grond, extra ferm, extra bun. "Extrème” èn ils cornets da vaniglia da Frisco. Extrema è er la reclama da Benetton, extrem dasperas. Dasper mintga extrem datti era in in-tresm, in trement problem. Mintga extrem ha in problem. Problems pons ins schliar. Schliar problems è mintgatant grev, extrem grev.

Extrem è ex. Ex-amia, ex-ami, ex-dunna, ex-um. Sch’ins pensa quants exs ch’i dat, alura è quai extrem. Ex-minister, ex-mastral, exil. Ex-Jugoslavia, ex-Russia, existenza. L’existenza dals exs è periclitada.

Extrem è ex-term, or dals terms, da l’autra vart dals cunfins, extern, exteriur. Extrems èn tut quells che na vesan betg il exteriur. A l’exteriur hai extremists – extremists fundamentalists. Il fundament da tut las extremitads è la normalitad. Senza normalitad nagina extremitad, senza nair nagin alv. Alva è la naiv tras la quala ils alpinists extremists van lur via vers il proxim record. Recors vegnan numnads en il cudesch da Guiness. Guiness è la biera oriunda da l’Irlandia. Era en Irlanda datti extremists.

Bun divertiment!

Sara Hauschild ("Sch’eu nu gess sün otmillers füssa forsa ün tip amo plü dischagreabel”) — Giusep Carigiet (Extrems) — Daniel Günther (Igl carstgang, en extrem?) — Anita Capaul (Extrem: leger enstagl siglir) — David Carigiet (Extrems nua ch’ins mira!) — Guadench Dazzi (Profil dal mais cun Silva Semadeni) — Adrian Pally ("Si cheu negin che sa far la tgagia”) — Adrian Pally e David Carigiet (Clinch) — Anita Capaul (Yeah… in onn "UDBDNC”) — Anita Simeon [BZ + BT = BZT (Bündner Zeitungs Theater)] - Werner Carigiet) — Werner Carigiet (Pertge betg rumantsch grischun en scola?) — Il frar dil Geli (Romantica alpina) — Elvira Pünchera (Üna vita valurursa, Jürg Acklin: "Froschgesang") — PUNTS (I manca il kick!)